THAIPEI (已結業)

灣仔返工lunch當然要周圍覓食，見到呢度開咗間新嘅泰加台式餐廳，佢叫做Thaipei餐廳裝修得幾好，光光猛猛，但係入面就唔大。由於新開所以唔算多人，入到去午餐餐牌選擇都唔算好多，大概有六款左右。午餐唔包餐飲價錢已經係60至90蚊左右， 相對地貴，最平嘅係餃子，一般嚟講都未必會叫，因為唔夠飽，所以平均價錢都要與70至80左右。叫咗招牌泰式船麵，因為呢間都幾泰式風味，而且我覺得佢泰式風味比台式風味更濃厚，所以就試下呢度嘅泰式嘢。船麵個湯好香濃，真係富有泰式風味味道唔錯，而且湯嘅香料配菜都好似泰國當地食嘅一樣，湯粉配美國牛肉都算係幾厚幾香牛肉味， 而且仲有豬肉丸，開頭以為唔多但係食落份量都ok其實呢間食物味道ok，但係午餐唔包餐飲要另外加錢，加完之後大概一百蚊左右一個午餐，真係有好多其他選擇。