鳳凰茶苑 (已結業)

放工約左朋友食飯 又未夠鐘 係漆咸道南行多兩行 發現一間茶居鳳凰茶苑 放工時間 人流唔多可以俾我靜靜地 自己歎下茶上到黎知呢度係飲大紅袍出名環境好大 簡單 配上中式傢私同植物令你心境舒𣈱左好多 好舒服😊😊同茶居朋友傾左一陣 先知道唔同既大紅袍都有唔同既味道 因為係烘焙時間唔同我比較鍾意茶香重既茶 茶身都要比較厚 不能太薄 所以選擇左茶香重 同口感厚既鮮醇大紅袍係烏龍茶既一種 茶葉都比較長身 綠綠地茶居會幫你沖第一水茶 沖好既茶放入玻璃壼為免茶浸泡太耐 會變苦澀一杯茶 一個茶壺 靜一靜 坐一坐 好療癒個餐包埋茶食 有曲奇 有杏仁 仲有無花果乾周圍都見到密雲龍 原來係茶居個牌子黎🙈臨走 見到門口有一個 茶葉製造過程 好靚😊😊 下次要帶埋本書黎先得😚😚😚