石一燒 (富多來新邨一期) (已結業)

今晚同港女去撐枱腳，7點零鐘去到，竟然冇人☹️，之前未肺炎前如果唔洗等位的話，其實會好開心，但係今日就好失落☹️，冇辦法啦，唯有多啲幫襯下，今晚就點左霜降牛肉粒，港女話要碟豬肉，就叫左豚梅頭肉，一開始就有櫻花蝦味噌湯同埋沙律，都可以嘅，5分鐘店員就上埋肉，豬肉就覺得鞋口少少，不過就冇豬騷味，牛肉粒就好食嘅👍🏼，夠油脂，食完後店員主動上甜品，係抺茶粉（自己加水磨）加雲喱拿雪糕，店員都好有禮貌教我哋點樣磨，服務態度非常好，其實一間店有乜不足地方都好，禮貌真係好緊要，總括嚟講食物已經係其次，最緊要撐住真係想做好食物嘅小店💪🏽💪🏽😊