千之壽

營業中

休息中

今日食晏，點了牛仔肉烏冬、手卷、腐皮 壽司船、卷物 同埋飲品 ，食物30分鐘到，小卷好似漏左，因為趕時間，到3x分鐘只好話麻煩取消未嚟嗰碟小卷。15分鐘後上左，話切左冇得取消（15分鐘後喎!落單起計已45分鐘）。只有三枱客，問姐姐攞杯水冇影，落單有面色睇，全程食晒兩位姐姐面口，心情都受影響，咩事呢，得罪左你地咩？ 我出去畀錢只好請佢畀個盒我啦 佢就要家句：食唔曬，盒收一蚊…… 我冇話唔畀一蚊，但係點解你要加句食唔曬喺前面老屈我呢？自問十幾年街坊，都好支持小店，明白大家有壓力、工作辛勞，但係今日抱歉一句：千之寿，冇下次。