台軒 (麗豪酒店)

營業中

休息中

呢間台軒前身係手信店，即係賣下電話卡呀，“名錶” 果隻啦，手信店執左後都空置左好耐，終於開間食肆造福下街坊。始終店舖面積大細，坐得比較迫，都冇計啦，唔同附近嘅月光光坐得咁舒服。講大家最關心嘅嘢食啦，其實幾好食，份量又好大份，我同老婆一人一個麵 (牛肉麵同肉燥旦麵，仲有前菜送)，驚唔夠再加個小食(花枝餅)，但食碗麵都飽得不得了，差啲食唔落個小食。掉轉你試下去附近差唔多時間開張嘅台灣菜食？價錢貴一截，又難食，仲分分鐘要去麥記再食先夠飽。但反而果間門庭若市喎。不過我想講呢，咁大間酒店竟然一坐低同人講唔供應水，要加十五蚊買台式飲品，真係非常小家，呢間酒店咁多間食肆係得呢一間係咁。可能真係坐位太少佢想人消費多啲，但咁做比人嘅觀感實在太差了。