天機棧扒房 (已結業)

每星期都會黎旺角一次，行完街搵地方食晚飯，發現有驚喜，呢個樓上餐廳，竟然有咁抵食$188又有鵝肝/生蠔/蝦，再加牛扒嘅晩餐，仲要有質素，實在難以相信～我同媽咪各自叫左$188呢個晚餐，超多野食～首先有餐包同龍蝦湯。之後叫左個沙律同田螺做前菜。沙律新鮮爽口，田螺薯蓉好味。鵝肝外脆內軟，煑得啱啱好。之後仲有個蝦，大大隻。 主菜仲有炭燒西冷牛扒，煑得軟硬適中鎖住肉汁。另外，石斑魚柳南瓜意大利飯，大份，差d飯唔哂。仲未完，最後仲有甜品。咁嘅價錢真係物超所值。