越泰 (已結業)

打風星期日探朋友去食飯，來到越泰，客人唔多，侍應帶我地坐卡位。餐牌上推介沙嗲，我又鍾意食沙嗲，所以叫咗沙嗲河試下。點知中伏！個沙嗲完全唔香、冇味、仲"杰撻撻" 漿住晒 😵！一般茶記既沙嗲比佢仲香仲有味，唔明點解係推介 🙄！點餐飲時我冇睇餐牌，就咁叫兩杯熱奶茶，點知個經理好悔氣又大聲咁話佢地冇港式嘢飲！結果點咗兩杯甜過糖水既特飲 😒！到俾錢時我問一句收唔收咭？個經理又係大聲夾悔氣話只收八達通同現金。其實間餐廳咁靜，我對耳又冇事，使唔使咁惡咁大聲先😤！兩個人都食得唔開心，難食或者係打風個櫉冇返工卦？不過個經理(黑衫黑褲)態度咁差，點解去食嘢要去受佢氣😤？！