影片
更多
2021-04-05
176 瀏覽
04.04.2021上Open Rice偶而發現這間Cafe52，專登襯復活節去試下，好近朗屛西鐵站，好方便呀。去到最吸晴首先並唔係食物，而係餐廳環境佈置同裝飾，尤其係牆上有三塊大黑板，好似用粉筆繪畫，繪畫了用兔子做主角嘅不同繪畫，好有意境呀！另外，周圍都有不同的兔子佈置，喜歡兔子嘅朋友一定好喜歡。唔好計食物好唔好味，浄係打咭都抵，好靚呀！當然食物嘅質素、味道同賣相，對一間餐廳來講，仍然係好重要。我哋叫咗一個dinner set，有頭盤三文魚沙律、菌湯、意式汁海鮮虎蝦意大利飯同甜品；先講菌湯，真心好味，又滑又濃，好好飲！三文魚沙律不錯，大大塊三文魚，絕不欺場！個海鮮意大利飯算是好豐富，有帶子仔、青口之類，隻蝦也Ok，雖然個飯唔夠滑，但整體來說不俗，仲要包甜品、飲品，$188真係超值！個甜品好似係麵包曲奇，好似好硬，要大力用叉吉，但食起來鬆鬆，幾好味喎！（隔離枱係cheese cake，比較普通）另外，我哋叫咗羽衣甘藍高纖沙律，我覺得普通。反而肉眼扒配車打芝士、忌廉芝士，加配竹炭漢堡包及薯條，好豐富。本身期望太高，之前喺另一間Rainbow Cuisine食過竹炭漢堡太美味，所以今次覺得
上Open Rice偶而發現這間Cafe52，專登襯復活節去試下，好近朗屛西鐵站，好方便呀。
去到最吸晴首先並唔係食物，而係餐廳環境佈置同裝飾，尤其係牆上有三塊大黑板，好似用粉筆繪畫，繪畫了用兔子做主角嘅不同繪畫，好有意境呀！另外，周圍都有不同的兔子佈置，喜歡兔子嘅朋友一定好喜歡。唔好計食物好唔好味，浄係打咭都抵，好靚呀！
當然食物嘅質素、味道同賣相，對一間餐廳來講，仍然係好重要。我哋叫咗一個dinner set，有頭盤三文魚沙律、菌湯、意式汁海鮮虎蝦意大利飯同甜品；先講菌湯，真心好味，又滑又濃，好好飲！三文魚沙律不錯，大大塊三文魚，絕不欺場！個海鮮意大利飯算是好豐富，有帶子仔、青口之類，隻蝦也Ok，雖然個飯唔夠滑，但整體來說不俗，仲要包甜品、飲品，$188真係超值！個甜品好似係麵包曲奇，好似好硬，要大力用叉吉，但食起來鬆鬆，幾好味喎！（隔離枱係cheese cake，比較普通）
另外，我哋叫咗羽衣甘藍高纖沙律，我覺得普通。反而肉眼扒配車打芝士、忌廉芝士，加配竹炭漢堡包及薯條，好豐富。本身期望太高，之前喺另一間Rainbow Cuisine食過竹炭漢堡太美味，所以今次覺得漢堡唔夠熱，唔係唔好食，只係可以更好吃！
但要稱讚個小食拼盤(薯絲蝦、網紙春卷、忌廉蟹肉薯餅、香茅薯餅、芝士年糕配薯條），樣樣都幾好味，尤其薯絲蝦、芝士年糕，正！仲有芝士肉醬焗薯、焦糖泡沫朱古力都OK。
綜合來說，食物質素不錯、抵食、尤其套餐特平，環境好靚，打咭至啱，而且職員都好勤力，常常執走食完碟子、有添水，臨走有個滿面笑容嘅女職員（唔知係唔係高級啲定老闆？）問我哋食物好唔好食，同埋講今日加一，平日唔洗...有咁殷勤嘅服務，算係好難得，抵讚！下次再來幫襯！
前菜：三文魚沙律
9 瀏覽
0 讚好
0 留言
菌湯
7 瀏覽
0 讚好
0 留言
肉眼扒配車打芝士、忌廉芝士，加配竹炭漢堡包及薯條
$85
6 瀏覽
0 讚好
0 留言
芝士肉醬焗薯
$35
4 瀏覽
1 讚好
0 留言
小食拼盤(薯絲蝦、網紙春卷、忌廉蟹肉薯餅、香茅薯餅、芝士年糕配薯條）
$68
6 瀏覽
0 讚好
0 留言
意式汁海鮮虎蝦意大利飯
$188
6 瀏覽
0 讚好
0 留言
甜品
4 瀏覽
0 讚好
0 留言
張貼
