影片
更多
2008-03-11
10 瀏覽
未食過都一肚氣~很飽, 值得寫番個“食評”表揚一番…最近見某收費電視台介紹，有衝動想試一試，於是訂好枱，一家人仲早左十分鐘到添，我上前問坐係收銀位置既女員工，佢答一下張就到。怎知遲遲都仲未有枱，我就問番呢位女員工下一張四位, 要等幾耐?佢仍然答：下一張就係! 我再問: 即係幾時？當時我已經好懷疑，訂左都無？佢話：出門口等叫名啦! 隨後仲講：我頭先叫緊既都係大枱, 唔係你, 妹妹! 唉！咁我洗咩訂枱呢。係以上既對話當中，呢位女子都未有一句包含“請”、“唔該”或者“唔好意思”既字眼。最重要係，我地等左將近半個鐘。未食已經係咁, 就算食物幾好都假。我仲想對自己好D，所以食都無食就走左，去左附近一間茶餐廳…發現呢間食肆門口原來貼左張“open rice 2007年十大好評開飯食店”既poster。唔………
最近見某收費電視台介紹，有衝動想試一試，於是訂好枱，一家人仲早左十分鐘到添，我上前問坐係收銀位置既女員工，佢答一下張就到。
怎知遲遲都仲未有枱，我就問番呢位女員工下一張四位, 要等幾耐?
佢仍然答：下一張就係! 我再問: 即係幾時？當時我已經好懷疑，訂左都無？
佢話：出門口等叫名啦! 隨後仲講：我頭先叫緊既都係大枱, 唔係你, 妹妹!
唉！咁我洗咩訂枱呢。係以上既對話當中，呢位女子都未有一句包含“請”、“唔該”或者“唔好意思”既字眼。最重要係，我地等左將近半個鐘。
未食已經係咁, 就算食物幾好都假。我仲想對自己好D，所以食都無食就走左，去左附近一間茶餐廳…
發現呢間食肆門口原來貼左張“open rice 2007年十大好評開飯食店”既poster。
唔………
張貼