Wagyu Ya (已結業)

今日終於到我食和牛三文治啦！平時係社交平台見到朋友試和牛三文治，自己一直蠢蠢欲動，今日藉著拍拖三周年半同女友去左Wagyu Ya。Wagyu Ya 採用鹿兒島和牛，質素有保證。獨立抽油煙系統唔會令周遭環境變得煙霧離漫，身上亦唔會成浸油煙味。- 和牛三文治🥪小弟第一次品嘗和牛三文治，和牛表面放上金萡突顯高貴。麵包夠脆，加埋厚切既吉烈牛，可謂脆上更脆，但同時和牛仍然保持入口即溶既口感，無論賣相同味道都係一流。- 肉食者一盤有齊四款和牛部位，包括牛脷、和尚頭（即牛後腿內側)、牛肩胛同西冷。和牛顏色比較淡色，不過大理石狀紋相當細緻分明，四款肉味道各有特色。牛脷最爽口，而且厚身，不過要燒耐少少。西冷油脂最豐厚，口感特別柔嫩，肉質最甜。和尚頭比較有韌勁。肉食者拼盤既西冷同牛脷味道突出，和牛三文治令我同女友既三年半週年紀念更加圓滿。