石一燒 (富多來新邨一期) (已結業)

近期香港都開咗好多一人燒肉店同石燒牛店，但係普遍呢啲舖頭食嘅牛肉質素都係美國安格斯牛，最近同朋友就搵到一間大角咀嘅小店，主打食日本A4和牛，牛魔王嘅我哋當然要去試吓啦餐廳座位雖然唔多大，但空間闊落，好啱同朋友一齊過嚟食嘢，傾偈，飲酒✨極級和牛盛會の2人前$698今日我哋嗌咗個二人套餐，已經有日本A4和牛同埋澳洲和牛✨沙律沙律菜好大碟，新鮮爽脆加埋芝麻醬一齊食好夾✨前菜（三品）分別有炸天婦羅甜薯，蟹柳，日本菇，天婦羅粉漿好香脆，蟹柳調味，酸酸地好開胃✨櫻花蝦味噌湯味噌好香濃，用咗新鮮嘅味噌整成，唔會好鹹，櫻花蝦超多，鹹香味突出✨日本九州A4和牛三角胸✨日本九州A4和牛上前腿肉✨澳洲和牛封門柳和牛油花分佈平均，有彈性，牛三角胸脂肪比例較高，油花豐富，口感軟腍，和牛封門柳肉味比較濃，肉質厚實卻又軟嫩，而油花細緻，上腿肉係牛全身肌肉最發達嘅地方，肉質呈彈韌口感，成個牛肉拼盤仲有好多洋蔥同埋菇伴碟✨飯素跟餐仲有兩個白飯，可以叫職員多飯，加上味素同埋燒肉汁個飯特別開胃✨甜品個甜品好特別，自己用綠茶粉調教綠茶嘅味道，整成綠茶雪糕