影片
更多
2012-08-03
5641 瀏覽
上星期去過一次，以為差劣情形只是偶然發生，昨天(8月2日) 再去試一次，依然同樣差劣：.服務員：OK - -- 全個餐廳大堂只得3個侍應 + 1個知客（兼埋單及收銀 ）。各人都做到踢晒腳， 但都能快手快腳， 態度雖乏笑容， 難得亦無黑口黑面!.食物：嘛嘛哋OK --- 個別食物如三文魚，甜蝦刺身及天婦羅蝦都OK; 但金菇牛肉卷好鞋，燒海蝦及蠔不新鮮，粥又不熱, 仲有………好多都嘛嘛哋。.但最令人氣憤的是廚房部的工作態度， 用料差不特止， 最不專業是亂cut 顧客order! 可能又是人手唔夠做唔切，但都不應隨意cut單，鍾意就出，唔鍾意就唔出， 客人不知就裏， 在出面呆等! 我2 人落咗order 要6隻天婦羅蝦， 15分鐘不來， 再落order，又15分鐘不來，笫3次落order 我同侍應講話之前兩次order冇嚟到， 叫佢同我跟緊呢張笫3張單， 但個侍應都冇啲反應! 結果又等左10分鐘都冇嚟， 真係火都嚟埋，叫個侍應入廚房check吓張單， 點知唔夠兩分鐘，個侍應居然攞出嚟一小碟得兩隻天婦羅蝦，我即刻捉住佢話我order 6隻喎， 佢竟然話係照人頭計嘅 (咁即係1人1隻嘅意思
.
服務員：OK - -- 全個餐廳大堂只得3個侍應 + 1個知客（兼埋單及收銀 ）。各人都做到踢晒腳， 但都能快手快腳， 態度雖乏笑容， 難得亦無黑口黑面!
.
食物：嘛嘛哋OK --- 個別食物如三文魚，甜蝦刺身及天婦羅蝦都OK; 但金菇牛肉卷好鞋，燒海蝦及蠔不新鮮，粥又不熱, 仲有………好多都嘛嘛哋。
.
但最令人氣憤的是廚房部的工作態度， 用料差不特止， 最不專業是亂cut 顧客order! 可能又是人手唔夠做唔切，但都不應隨意cut單，鍾意就出，唔鍾意就唔出， 客人不知就裏， 在出面呆等! 我2 人落咗order 要6隻天婦羅蝦， 15分鐘不來， 再落order，又15分鐘不來，笫3次落order 我同侍應講話之前兩次order冇嚟到， 叫佢同我跟緊呢張笫3張單， 但個侍應都冇啲反應! 結果又等左10分鐘都冇嚟， 真係火都嚟埋，叫個侍應入廚房check吓張單， 點知唔夠兩分鐘，個侍應居然攞出嚟一小碟得兩隻天婦羅蝦，我即刻捉住佢話我order 6隻喎， 佢竟然話係照人頭計嘅 (咁即係1人1隻嘅意思)，咁都得!
當堂更加火起，叫佢搵個經理或高級的嘅嚟同我講，結果佢就叫咗個知客小姐嚟(可能佢就係成間餐廳最高級嗰個) ， 我話兩個人order 6隻天婦羅蝦都唔算多啫， 最怕我亂叫太多又唔食浪費你哋啲食物啫，事實並非如此，我落咗3次單又等咗大半個鐘頭，三催四請，居然只配給兩大隻，問佢係乜嘢道理?
個知客小姐當然冇得答，只有唯唯諾諾，問我要幾多隻佢即刻幫我攞; 我話唔想落單再等， 叫佢要10隻食完就走，結果不消5分鐘個知客小姐就捧來了10隻，一肚氣的吃罷即走!
.
總結 : 打開門口做”任食”，但廚房出品部就隨意cut單，不合理減量，甚至唔出俾客人；未知是否真的是廚房部的工作態度差不專業， 抑或本身是公司的主意? 假若是前者，公司的招牌給你做衰，公司玩完的話你也冇得撈啫! 唔知佢識唔識諗 !
不過很不明白，難道公司管理層真的不知道，他們都是隱世之仕，從不關注有關公司的食評? 細看下面近期的幾篇食評，大都是譭多於讚， 若管理層或老闆依然不針對廚房出品部的劣習作出改善，情況繼續，而客人都再不回頭光顧，則可以預見其一定離走上末路之途不遠!
張貼