風流居酒屋 (已結業)

好掛住日本🇯🇵啲居酒屋同屋台，雖然暫時仲未有得出國，但香港其實都有好多裝潢同食物🍱出色既日式居酒屋，今次就去到哩間係小區既居酒屋試試。雞泡魚干燒 $48🐡燒到好香仲有啲焦，帶少少炭香味，以為會好乾，點知食落係軟身，點埋美乃滋食，估唔到又幾特別。柚子胡椒黑豚肉 $38黑豚肉🐷本身肥瘦相間，佢既柚子味加埋檸檬汁🍋正正中和左肥肉部份既膩，令成件事清新左。自家汁燒活白鱔 $58鱔皮燒到焦脆，用少少鹽同黑胡椒🧂調味都好夠，鱔肉實淨得黎爽口🤤。月見免治雞肉棒 $32雞肉棒🐤本身甜甜地，入面夾雜左啲雞軟骨，口感唔錯，點埋醬油加雞蛋🥚，好似細個打邊爐既點法，又幾夾，成功令雞肉棒滑身有蛋香。明太子雞翼 $42入面既餡料都好飽滿，味道少少辣🌶，都好惹味。