日嚐 (已結業)

呢間小店見過好多YouTuber 介紹，但成日都見到排晒長龍所以一直未有機會試；呢一日6點左右見到唔洗等位一於入去試下，食完之後都幾失望。🐷脆炸吉列豬扒+蕎麥麵(凍)+韓式涼拌青瓜+蒜味墨魚仔 $58呢個豬扒有一大塊切開左6舊，咬落去好鬆化，肉亦都唔韌，呢塊豬扒幾有驚喜。蕎麥麵夠凍，超重麻油味，但麵質普普通通；青瓜少少辣都幾惹味；墨魚仔幾有咬口；呢個餐性價比好高，$58蚊甘多野係好抵食🐷慢煮封門柳配自家製雜菌燒汁+越光米飯+柚子紫薯青蘋果沙律+山葵八爪魚 $98呢個一黎到都幾失望，之前見到好多介紹封門柳都係色澤好靚係粉粉嫩嫩既粉紅色甘；但我呢個就係d肉煮到近乎well done, 色澤唔好睇，咬落口都幾乾同埋有d韌，依個招牌既封門柳好失望。紫薯沙律好食，紫薯蓉好綿滑，入邊食到粒粒既蘋果同埋柚子；八爪魚好普通，唔係好食到山葵味。