喫茶ちょうぼ

營業中

休息中

今次嚟到尖沙咀分店，位置都好方便，電梯一上就見到呢間和式裝潢嘅餐廳，環境好舒服，可能時間比較早，未到晚餐時間人流都比較少。睇完menu呢次就決定唔揀蛋包飯，揀左鰻魚玉子蓋飯<$108>加左$25升級套餐，包一份前菜同飲品，一條長長嘅鰻魚下面放住一件厚厚嘅玉子，買相非常吸晴，玉子好重蛋味，不過略嫌飯粒比較濕潤，但整體都好好食，另外佢前菜應該係會換款，之前有食過蕃茄仔，而今次就係青瓜，飲品方面揀左夏日海洋梳打，不過味道一般有啲甜，下次會叫返牛乳系列。