薈亞廚房 (已結業)

啱啱同老婆放工嗌外賣晚餐叫咗兩份咖喱牛腩，每碗要成$90，點知嚟到冇白飯跟都算仲要每碗咖喱裏面淨係得兩舊牛腩同啲雜菜，係兩碗都係咁。之後我打去問返餐廳，佢話個餸係咁唔跟飯。即係話如果你要食咖喱牛腩飯仲要比多$15去買個白飯，最後要成過百蚊。食物方面個咖喱味道一般，同一般茶餐廳差唔多，重點係只得兩舊牛腩，你一定食唔飽。本身間餐廳又唔係咩高級餐廳， 又要咖喱同飯分開嗌，份量少，味道一般，如果要比成百幾蚊食個咁嘅咖喱飯，我以後一定唔會再幫襯。