唐記包點 (龍旺大廈)

營業中

休息中

唐記包點最近推出一系列精美靚飯，有咖喱雞飯、咖喱牛腩飯、豬軟骨飯等，我今晚就去買咗個咖喱牛腩飯試吓，飯同餸獨立分開裝碗，呢個做法真係十分之好，我首先打開碗咖喱牛腩，一打開蓋之後，真係聞到有好香嘅咖喱味，嗰種味道有D似我以前細路仔經常食嘅楊協成咖喱好接近咖喱裡面有一塊洋蔥、一塊紅蘿蔔、4件牛腩(Size都唔算細)，仲有兩條牛筋，入口軟淋，D咖喱汁撈飯食真係好正，價錢唔算貴(只係$29元)，可以接受，咖喱真係香濃惹味，掂啦！