金坊泰國美食

營業中

休息中

泰式咖喱蟹($148)，哩個價錢係堂食優惠價，非常之抵，仲有得揀肉蟹或者膏蟹，今次我揀左膏蟹，上菜時見到黃黃紅紅既咖喱已經流晒口水，成隻蟹蓋都係膏，好滿足，至於個咖喱汁味濃，唔會太辣，迎合返香港人口味。芝士大蝦伊麵($168)，哩個菜式都係值得推介，份量大到可以夠3至4人食，而且有6隻大蝦，伊麵掛滿晒個芝士汁好惹味。炸蝦餅($88)，有8件，平均$11一件，價錢不過不失，咁就講下味道，蝦餅夠彈牙食得出冇溝過其他肉類，外層鬆脆而且仲帶有少少餘溫，即係即叫即炸，必須配埋個泰式醬先最夾。甜品係送，每件都有彈性震震下，一邊係椰汁，另一邊係大菜糕，好滑，而且一件一口岩岩好。