泛亞飲食

營業中

休息中

今日晏晝悶悶哋去lg7食返個飯先，APC啲嘢始終都係屬於大家樂，品質有一定嘅上限，可惜價錢就冇上限，點都系有少少失望架啦。一個咖喱雞飯盛惠閣下$28蚊，嘢飲跟大家樂政策……另計，喺呢間學校裏面$28蚊唔算好平，當然又唔算好貴，呢二十多文錢，當係試食費喇。等嘅時間好短，唔晒半分鐘有得食，不過食品嘅質素呢就…………唉食飯個陣大概12點零左右，應該都係peak hour嚟嘅，我估應該都幾多人叫咖喱雞喇(？)可惜兜咖喱雞，根本睇唔出喺咖喱雞，不如叫咖喱雜碎肉仲好過，成兜見唔到四舊連骨嘅肉，只係見到大堆大堆肉碎同埋薯仔碎。咖喱好稀,連咖喱汁都唔配，應該叫湯喇(？)，apc唔好以為有堆咖喱味肉糜喺啲味精湯到就叫做咖喱汁啦好嘛？飯就偏硬，散修修，扼唔實(儘管姐姐已經試圖扼實)，賣相極度普通。其他apc野冇乜點試過不敢下定論，不過叫我回頭食呢個飯，真係免喇。