香港仔一品魚蛋王 (已結業)

食晏時候又到，華哥提議話不如食粉麵，我、law霸、超哥都話ok。一行四人就落左公司樓下斜對面個間香港仔一品魚蛋王試下，一入到去感覺乾淨，食都食得舒服d先啦，環境ok。好…叫野食先，我要雙丸河…華哥就要雲吞墨丸麵…law霸叫左牛什米…超哥要牛腩撈麵…兩碟油菜…四杯野飲。野食到，兄弟…上！由我碗雙丸河講起先，牛丸好好味喎，魚蛋又夠彈牙有魚味…good；華哥個碗雲吞圓碌碌好大粒，墨丸就爽滑彈牙…好味道；law霸就話食牛什就首先要試下佢既湯底先喎湯底又夠味，牛什炆到入哂味…夠水準；而超哥d牛腩佢話重正，半肥瘦，又唔痴牙。埋單每人都係三十多d，四個大男人都食到飽哂，又平d野又好味，抵！！！