波仔

營業中

休息中

平時我都會黎波仔入定d貨，因為真係好方便，打風落雨，要湊仔唔方便出街就真係大派用場😉佢地食物種類多，基本佢地最出名既波仔飯，仲有菜，有湯，點心小食都有，真係好齊全🥬🥞🥪🍕我就每樣買左d，冬菇滑雞蒸飯，花生眉豆雞腳湯，叮叮飯就買左鮮茄牛肉醬意粉，咖哩牛腩飯，仲有個花生醬西多我覺得幾特別就試埋😆味道其實真係幾好，一定好食過d頹飯既外賣自取先，個湯都好足料，有幾隻雞腳，d叮叮飯都比預期好食，個花生醬西多用氣炸鍋炸完脆卜卜幾好食👍🏻佢地d食物有分4度以下，同埋放冰格既，每樣買d就唔怕雪櫃唔夠放，最緊要佢地d野食夠方便同埋擺得好耐，唔怕買完食唔切👏🏻