Odelice! (蘭杜街)

環境4分：西式咖啡店格局，樓面幾高，Ｄ位唔迫，OK好坐可以畀四分。衛生4分：地方幾乾淨，刀叉紙巾响哂枱，一樣可以畀四分。服務5分：侍應個個都斯斯文文，一坐埋位已經整定兩杯清水嚟。比餐牌果陣又好清楚地解釋個weekend brunch可以點叫，我代先生比五分。味道4分：1)      個澳洲肉眼扒好淋身，個胡椒味夠強到唔洗再點汁嚟食。Ｄ薯條呢就好熱好脆。2)      第一次食咸薄餅，所以唔知响邊度落刀。睇Ｄ相仲以為係脆皮，但原來唔係，不過呢都好薄好軟身。Ｄ料响個薄餅上高曬冷，兩隻蛋好滑好滑，煙肉好脆，番茄同埋磨菇粒都新鮮。佢咁張塊薄餅皮包住個英式早餐都幾過隱嘅。3)      冇講大話，個火焰橙酒可麗餅真係响你面前火焰。可麗餅好薄，橙酒甜甜酸酸，一個人三兩下就食曬。4)      每人加左四十八蚊要多杯有汽雞尾酒，味道比較甜，但都幾足酒精。5)      泡沫咖啡有拉花睇，又香又滑。抵食4分：Weekend brunch平均百幾蚊一個人，價位唔算平，不過最抵果嘢係每人包左杯餐飲，凍檸茶同咖啡都係無限添加，加佢一分。