德美壽司

營業中

休息中

今日完成一個milestone，一定要慶祝下。餐廳以原木風格裝修，好古香古色。估唔到晚上都提供套餐，平平地已經有沙律，湯同埋主食。燒牛舌，串燒火候掌握得好好，牛舌彈牙juice，用少少鹽調味，已經可以食出食材本身鮮甜味。醬油漬鯖魚刺身，好少見嘅刺身。鯖魚預先用日式醬油醃制過，所以除咗酸甜味，仲有淡淡醬香味。刺身全部大件厚切，入口軟嫩鮮甜。火炙左口魚邊壽司（2件），用火槍大火炙燒左口魚邊，逼出多餘魚油。魚邊嫩到入口即化，還帶有少少焦香，簡直係人間美味。三文魚茶漬飯，哩間餐廳把飯做成飯團造型，頂上再加埋三文魚肉同紫菜，最得意係日式高湯裡面加入大量炸米。日式高湯湯底透徹，飲落柴魚味好香濃，好正。米飯撈埋三文魚肉同日式高湯，清甜爽口，全部食曬TIM。