Cafe, Hyatt Regency Tsim Sha Tsui

營業中

休息中

這是我第六次來呢間餐廳吃自助餐，講真，品質真的越來越差，幾年前第一次來，除了活龍蝦之外仲有活帝王蟹，之後冇左帝王蟹只剩下龍蝦，但其他各項都很好，燒烤除了牛肉仲有羊架同火腿，湯有原盅燉湯，燒味有燒鵝，煙三文魚都有3種唔同味，蛋糕有原個切餅，今次去，除了龍蝦保持水準之外，其他的靚嘢冇晒！牛扒好多筋，個廚師俾我果舊都是筋，我旁邊張台媽媽聲。連基本的鴨肝多士都變左限量。做成咁，唔怪得得一半客囉。香港啲餐廳就係咁，越來越差，煮龍蝦個印度廚師面冇表情，啲客多謝佢都冇反應，一間5星酒店啲服務咁樣，真是趕客。好的地方是餐廳的侍應就好服務，換碟超快。龍蝦品質可以保持到。唔知會唔會登出來。但呢啲退步的品質真好難令人再去幫襯。