便當工房 (已結業)

本來吾打算為同一間餐廳出兩次食評。但係今次覺得值得用小小時間寫下。唉，認識我嘅朋友都知呢間外賣店已經成為了小妹的飯堂。一個星期最小都幫襯兩次。話說上星期再幫襯，見到佢哋嘅菜單完全吾同洒。哇，多左好多選擇。價錢平左？！原來佢哋將個沙律分左出來。同個老板談左一陣，佢話好多客投訴吾要沙律或湯可吾可以平D。於是就拆左個B，哈，真係用心良苦。點都好，我上星期就試左個自家製豬軟骨便當配新出的焗蠔。個豬軟骨真係好食，隻蠔個新醬小妹就吾太喜歡。都係以前好D。不過我想講嘅並吾係佢哋嘅個午餐菜單。而係個下午茶。無啦啦賣賣下便當走去賣三文治？! 選擇吾多，得四款。睇D名好特別。琴日終於試到! 叫左個蒜蓉蘑菇雞絲三文治。本來以為D包會用方包。點知原來用長條好似 Subway D包。哈，可能新嘅關係，個包裝認真麻麻。同午飯個盒差好遠。個味道點？只可用兩個字形容。。。驚喜。真係估吾到一間賣便當嘅外賣店會有呢D水準。佢哋將D蒜頭同蘑菇打混做個醬,再加雜菜，青瓜，番茄，統雞絲。個醬真係好特別同好有驚喜。連杯冬瓜茶都係廿元。睇黎未來呢一兩個星期都係食三文治。。。