影片
更多
2011-12-31
69 瀏覽
---嗯...大家唔好見我呢篇食評比笑就以為正...比笑係因為我食完返到屋企竟然個肚無事而笑左出嚟XD---「對唔住!等位要等45分鐘...」聽著朋友對另一間餐廳的詢問得翻嚟的冰冷結果，我地只好另覓食肆。不過，煩忙的銅鑼灣中要搵到比較平的食肆......實在有相當高的難道。......我抬頭望向天空...有無餐廳係好食嘅呢......「打唔成邊爐...不如食灣仔明將啦喂!」我身邊的一個朋友正好比左一個相當"穩當"的提議。就係咁...我地就踏上左去呢間"有口皆碑"的著名任食壽司店的旅途。琴日，係我的腦海第一次對壽司大叫「唔要呀!」的日子......素聞明將壽司店光顧者無數，中伏者更多如天上嘅繁星...我"當然都好想"去體驗同驗證一下前人的傳奇故事...咩"45蚊用味蕾聽3個故事"、"一行n個人踏上旅途打魔王"等等...我又點會未聽過呀...所以當初我實在難以相信...點解咁多人會有勇氣作主動嘅挑戰直到琴日...我終於明白...一生人總要試一次呢種另類嘅"浪漫"。隨著我地一行4人踏入店舖的一瞬，所謂的傳說全都化為眼前一幕幕嘅實景......首先映入眼簾嘅正係"美豔"無比的吞拿魚沙律軍艦，"
「對唔住!等位要等45分鐘...」聽著朋友對另一間餐廳的詢問得翻嚟的冰冷結果，我地只好另覓食肆。
不過，煩忙的銅鑼灣中要搵到比較平的食肆......實在有相當高的難道。
...
..
.
我抬頭望向天空...有無餐廳係好食嘅呢...
...「打唔成邊爐...不如食灣仔明將啦喂!」我身邊的一個朋友正好比左一個相當"穩當"的提議。
就係咁...我地就踏上左去呢間"有口皆碑"的著名任食壽司店的旅途。
琴日，係我的腦海第一次對壽司大叫「唔要呀!」的日子......
素聞明將壽司店光顧者無數，中伏者更多如天上嘅繁星...
我"當然都好想"去體驗同驗證一下前人的傳奇故事...
咩"45蚊用味蕾聽3個故事"、"一行n個人踏上旅途打魔王"等等...我又點會未聽過呀...
所以當初我實在難以相信...點解咁多人會有勇氣作主動嘅挑戰
直到琴日...我終於明白...一生人總要試一次呢種另類嘅"浪漫"。
隨著我地一行4人踏入店舖的一瞬，所謂的傳說全都化為眼前一幕幕嘅實景......
首先映入眼簾嘅正係"美豔"無比的吞拿魚沙律軍艦，"濃郁"而"黏稠"的吞拿魚沙律醬，伴隨著"緊湊"的白飯同貌似"爽口"的紫菜，只係睇到都己經"大飽眼福"...
為左唔好比自己咁快就飽肚...我立即轉頭望向左邊的日本式裝修，雖說係日本式的裝潢，係如此昏暗嘅環境下要睇清環境仍然唔容易...
朋友首先送上熱茶，個人覺得呢杯熱茶相當唔錯(呢個唔錯無打引號啊)，茶味香濃，雖然只係茶包級數但仍然吸引...
當然...有邊個人食壽司只會飲茶呢...隨著我將一整杯暖茶送入口中解渴，真正的"享受"正式開始...
第一碟...亦係屈指可數的稱得上還可以的...正係平凡不過的三文魚壽司，三文魚色澤稍暗，味道稱不上美味，但仍算合格，起碼無怪異的魚腥味同質感正常。但係......最可惜的係店家極其"慷慨"，三文魚片雖不至於透光，仍然薄如無物，彷彿我地一行4個人千里迢迢嚟到就係為左比五十幾蚊任食"美味"的白飯...
係喇...講起白飯...店家的壽司飯握功十足，我只係食過中空而口感不俗的壽司飯，但無奈我見識太顯淺------琴日係我第一次食<夾起3秒就會瓦解的壽司飯>...呢種另類的握飯方式...實在令我不得不佩服店家的創意.....讚好!
由銅鑼灣徒步行到灣仔，路程談不上遙遠，但係點都無可能只食一種壽司當翻去掛...!!所以我地轉戰玻璃蝦壽司...!!
一如以往，白飯"緊湊到不行"，但係玻璃蝦又好似無咩大問題......質感等等確實比唔上其他相對較高檔的店家，但係味道正常，鮮味唔突出，但仍可入口，亦係我填入<推介美食>欄的第二項食物，亦係最後一項。
之後其中一個朋友提議"猜輸個果個要打大佬"...所以我地快速物色大佬人選...
咸魚(!)壽司、帶子壽司、海鰻壽司、螺肉軍艦、蛋白沙律軍艦、白飯魚壽司等等...都係我地認錯的大佬...雖說味道不好、不自然，仍比不上真正的大佬---菠蘿軍艦......咸魚壽司(不知道確實的名稱)入口的瞬間，鮮味十足，點知我一放鬆...先驚覺......
煙靭咸魚沖擊牙齒...
獨特腥味挑逗喉嚨...
...
此刻...我的耳邊彷如響起了熟悉的歌曲...「只能說我輸了...」
帶子壽司我本人無試過......聽朋友憶述味道很一般...而且賣相極乾..."完全可以有效"提升食欲...
海鰻壽司賣相和味道合理，但個人並不特別推介，因為比較硬身...口感同心目中的海鰻有所出入...
螺肉軍艦看似大佬...原來味道尚可...但"溫暖"非常的螺肉送入口的一刻確實令我嚇怕了...師傅原來有做解冷的功夫呢...
蛋沙律軍艦應該是"賣相最吸引"的其中一種壽司，奶白色的醬汁同蛋沙律互相輝映...味道相當"新鮮"...絕對有清新怡人、如沐春風的感覺...!!
白飯魚壽司是魚味最濃郁的其中一客...腥味僅次於同店的希靈魚壽司...(順帶一提，希靈魚壽司具有相當搶眼的螢光黃色...與其他店家的相比更為奪目)
您問我它的口感如何
我只可答你:只能以白飯魚......布鞋作比較。
想再進一步刺激味覺請您點一客我地心中大佬------菠蘿軍艦，賣相相信是全場最矚目的一客(除左吞拿魚沙律軍艦)...
朋友吃罷...先發現原來酸可以有咁多層次...
埋單後步出餐廳...望向更為深沉的天空...
...
..
.
仲記得我最初心中自問...「有無餐廳係好食嘅呢...」
吃罷....我再次心中自問...「邊有餐廳唔好食嘅呢...」
張貼
