影片
更多
2012-11-28
60 瀏覽
今日約左几個朋友一齊做節,諗住哈囉喂個個食西餐,都冇咩人會去食鷄煲,點知都鬼咁多人,幸好有訂枱~!由於唔係第一次黎食,之前都係只得兩個人,打邊爐食唔到好多款餸,今次有六個人~實會開心好多~!佢呢到主打美食係鷄煲,肥牛同海鮮...而且摽榜新鮮由於我地仲有朋友未到,諗住等埋一齊先點菜,侍應小姐就建議我地叫住D小食食住先~我地就點左椒鹽鮮魷同埋佢地話的新出品:麻辣腸頭椒鹽鮮魷好有大排檔水準,夠鮮夠熱夠脆~正~麻辣腸頭我地以為係香腸同紅腸之類的腸仔頭,點知係豬大腸~噢NO~我一向少食內臟,所以唔係咁OK但朋友食過話好勁好夠麻辣味,炸得好香脆,值得一試!人齊我地第一時間叫左佢個招牌中辣大鷄,招牌鷄煲:中意重口味的人絕對值得一試~D鷄啖啖肉,好滑好好味~一D都唔鞋,而且份量比預期中多,我地几個人不斷係咁食,都仲有~真係邪~!手切肥牛,牛肉粒相當新鮮,牛粒粒我地仲叫左兩次四寶丸都係推介之選,大大粒,又彈牙,雖唔知係咪人手即做,但唔以街市買果D質素菜類選擇亦多,而且洗得好乾淨,冇爛葉!! 粟米唔似係冰鮮粟,超甜超好味~!芝士丸.炸腐皮,炸嚮鈴.就強差人意~~份量少而少,屬一般出品~海鮮款式太少,可能唔
點知都鬼咁多人,幸好有訂枱~!
由於唔係第一次黎食,之前都係只得兩個人,打邊爐食唔到好多款餸,
今次有六個人~實會開心好多~!
佢呢到主打美食係鷄煲,肥牛同海鮮...而且摽榜新鮮
由於我地仲有朋友未到,諗住等埋一齊先點菜,
侍應小姐就建議我地叫住D小食食住先~我地就點左椒鹽鮮魷同埋佢地話的新出品:麻辣腸頭
椒鹽鮮魷好有大排檔水準,夠鮮夠熱夠脆~正~
麻辣腸頭我地以為係香腸同紅腸之類的腸仔頭,點知係豬大腸~噢NO~我一向少食內臟,所以唔係咁OK
但朋友食過話好勁好夠麻辣味,炸得好香脆,值得一試!
人齊我地第一時間叫左佢個招牌中辣大鷄,
招牌鷄煲:中意重口味的人絕對值得一試~D鷄啖啖肉,好滑好好味~一D都唔鞋,
而且份量比預期中多,我地几個人不斷係咁食,都仲有~真係邪~!
手切肥牛,牛肉粒相當新鮮,牛粒粒我地仲叫左兩次
四寶丸都係推介之選,大大粒,又彈牙,雖唔知係咪人手即做,但唔以街市買果D質素
菜類選擇亦多,而且洗得好乾淨,冇爛葉!! 粟米唔似係冰鮮粟,超甜超好味~!
芝士丸.炸腐皮,炸嚮鈴.就強差人意~~份量少而少,屬一般出品~
海鮮款式太少,可能唔係佢地既主打!但質素OK~尤其係白鱔片~一定要試~!
題外話/補充資料：
舖頭的確唔大,坐位好緊迫,空間感好少,條路坐左人就行唔過架LA!~
可能仲係新張初期,似我這種中意不同打邊爐款式的人,呢到確係少款左D~
埋單差唔多2000蚊.價錢真係唔算平,不過既明知佢地行中高線,都預左呢個數,
但佢有限時段兩鐘,所以未必會係打邊爐地方傾計食飯既首選~!
呢到睇得出好多野都用心經營,
例如佢食物擺放得好精緻,令人一睇感覺好好,
而佢洗手間雖然好細, 但係唔似得出面D食市咁要經過廚房先去到
免郤客人路經濕滑之地,造成不便! 而且用既紙巾亦唔係坊間掂水即溶..
而姐服務好周到,話頭醒尾,完全係想到你所想.. ! 所以如果食物份量多返D
價錢物有所值D 會更加好~!
(以上食評乃用戶個人意見 , 並不代表OpenRice之觀點。)
張貼
