陸陸雞煲火鍋 (已結業)

雞煲黎啦..三個人不約而同咁打左個特..嘜咁大煲o既!!(之後同d服務人員傾開先知例牌係半隻雞..大係一隻雞..)等左一陣服務員自動過黎幫我到攪一攪d雞...免得燶底...之後就可以正式開蓋...我地二話不說就同個雞煲開戰..每一塊雞都好大...而份量都唔少..味道可講係一流.... D雞夠入味, 同埋有充足既配。　同行友人唔係太食得辣..但佢都覺得ok...不過之後越食越辣...佢就要開始加湯及拎起辣椒.. 之後開始打邊爐...封門柳 - 我第一次聽呢樣野, 係店員介紹我食既, 聽佢地講係牛既橫隔膜, 食落去好有牛味。手打蝦丸 - 食落去真係食到蝦粒, 唔會好似出面咁食極都食唔到。　竹生 - 原條上, 仲要全部都好大條, 索埋D湯汁, 好好味。　芝心丸 - 唔係用平價果D芝心丸, 食落去寅你好流心。　唐生菜 - 佢地用個好特別既碗切到好靚。為一可彈o既係響鈴...真係麻麻...可以改善~!