影片
更多
2022-08-01
5099 瀏覽
位於中環嘉咸街嘅岱民兩餸飯店，呢間嘢真係唔講得笑，先講地點～岱民中環店喺嘉咸街一個隱蔽嘅位置入面，店舖附近有好多賣生果同雜貨嘅檔位。講一講我個人對呢間店舖嘅觀感，感覺店內非常光猛，而且店內製作食物嘅工場真係非常之衛生，所有食物都冇放喺地下，而係放喺鐵車仔嘅架上。食物方面～小菜嘅款式都真係幾多，我目測所見，應該都有接近20款小菜左右，而且大部份嘅小菜都真係非常香口惹味，更有尖椒炒牛肉呢款屬於川菜嘅菜式，認真唔話得。小菜款式～我當日下午去到岱民中環店，睇到有好多小菜款式，包括～黑椒牛仔骨(必食)、尖椒炒牛肉(必食)，但我唔肯定係咪每日都會有呢兩款小菜，如果真係日日都有就發達囉🤣。除咗以上呢兩款非常香口惹味嘅白飯良伴之外，仲有脆炸雞鎚、蜜椒炸雞中翼、炸薯角、紅燒豆腐、魚香茄子、欖菜肉鬆四季豆、椒鹽豬扒、滷水肥大雞肶、椒鹽油爆蝦、甜酸咕嚕肉、麻婆豆腐、南乳炆豬手、咸蛋蒸肉餅、炆豬腩肉、炒青菜、翠肉瓜炒牛肉、炆蓮藕、炒西蘭花、粟米斑塊、蜜汁一字骨、仲有炒雜菜等，係非常之多嘅小菜款式。店內有凍櫃擺放各式罐裝嘅汽水供顧客自取，非常貼心。岱民全線所有分店賣嘅兩餸飯，劃一價$25蚊，3餸飯$30蚊，註：
講一講我個人對呢間店舖嘅觀感，感覺店內非常光猛，而且店內製作食物嘅工場真係非常之衛生，所有食物都冇放喺地下，而係放喺鐵車仔嘅架上。
食物方面～小菜嘅款式都真係幾多，我目測所見，應該都有接近20款小菜左右，而且大部份嘅小菜都真係非常香口惹味，更有尖椒炒牛肉呢款屬於川菜嘅菜式，認真唔話得。
小菜款式～我當日下午去到岱民中環店，睇到有好多小菜款式，包括～黑椒牛仔骨(必食)、尖椒炒牛肉(必食)，但我唔肯定係咪每日都會有呢兩款小菜，如果真係日日都有就發達囉🤣。
除咗以上呢兩款非常香口惹味嘅白飯良伴之外，仲有脆炸雞鎚、蜜椒炸雞中翼、炸薯角、紅燒豆腐、魚香茄子、欖菜肉鬆四季豆、椒鹽豬扒、滷水肥大雞肶、椒鹽油爆蝦、甜酸咕嚕肉、麻婆豆腐、南乳炆豬手、咸蛋蒸肉餅、炆豬腩肉、炒青菜、翠肉瓜炒牛肉、炆蓮藕、炒西蘭花、粟米斑塊、蜜汁一字骨、仲有炒雜菜等，係非常之多嘅小菜款式。
店內有凍櫃擺放各式罐裝嘅汽水供顧客自取，非常貼心。
岱民全線所有分店賣嘅兩餸飯，劃一價$25蚊，3餸飯$30蚊，註：有個別分店嘅小菜需要另外加錢，但就算要加錢都一定平過哂其他嘅茶餐廳。
我當日去到中環岱民買咗一個兩餸飯盒，我揀咗黑椒牛仔骨同尖椒炒牛肉呢兩款非常惹味嘅菜式，真係好味到會令人不停食飯🤣，尤其係尖椒炒牛肉，食到好香嘅蒜頭味道，又比較辣，真係非常開胃。
我買呢個飯盒，如果喺番中環同區嘅餐廳、中菜館或大排檔，買番同一模一樣嘅菜式飯盒，我諗價錢大約應該要$55～$70蚊左右，但我而家只係需要比$25蚊，就可以食到一個咁正嘅兩餸小菜飯盒，岱民已經列入咗我個人嘅長期食單之內，真正嘅中環人龍店，但真係要早少少時間去買，因為一到中午食飯時間真係會好多人排隊，靚餸就自然好快會比人揀哂🤣🤣🤣。
尖椒炒牛肉拼黑椒牛仔骨飯😋
$25
440 瀏覽
0 讚好
0 留言
非常好味嘅尖椒炒牛肉😋
423 瀏覽
0 讚好
0 留言
各款精美小菜😍
410 瀏覽
0 讚好
0 留言
各式小菜
386 瀏覽
0 讚好
0 留言
各式小菜
373 瀏覽
1 讚好
0 留言
各式小菜
321 瀏覽
0 讚好
0 留言
各式小菜
328 瀏覽
0 讚好
0 留言
張貼
