尚點 小籠包.上海麵館 (元州商場) (已結業)

時日中秋夜，都係時間同女皇爸媽去食飯，呢度位於長沙灣元州邨嘅尚點，主打小海小籠包，小食，小菜，麵食，而價錢個人認為都算得上合理醉雞，每次食上海菜我都一定會點，因為中意凍食時，雞肉嘅嫩滑，淡淡嘅酒香，以上倆點餐廳都滿足到我嘅須求，如果加埋杞子橙橙紅紅賣相一定更好脆鱔，切得厚薄適中，鱔肉炸得比蝦條更脆，拌炒住秘製醬汁，甜甜咸咸，十分下飯嘩就係最新推出嘅蟹粉小籠包，單睇賣相就知用料十足，有誠意食埋落去，蟹湯滿載，咬落仲好多蟹肉，汁香丶好蟹膏比例都有咁上下，而且夠熱，感覺係必試之選糖醋魚塊---整體都好正常，值得提嘅係師傅炸魚技巧好好，外層酥脆，內裏魚肉剛熟，而且外層脆度可維持長時間，好欣賞百頁頭紅燒肉---就咁睇外形看似鵝腸，就係百頁頭，類似腐竹，食第一塊沾滿左紅燒汁真係好正，但再多食就有偏咸感覺女皇媽媽指明要食*高力豆沙*,其實我都中意食，可以話係中式dognut,但口感更綿椰汁糕拼桂花糕，甜度岩岩好，但略覺口感過實，可能魚膠比例過多