小蜜蜂 (已結業)

今日一行四人早上食早餐，從未幫襯過，隨便吃個早餐，點知會食完一肚氣。我哋四人坐最入面卡位，三人各點了早餐set, 另外一人淨飲。座位坐得窄都唔緊要，茶仔預咗，但係個員工放飲品時無禮貌地話：你坐埋D，唔係我唔夠位上餐。其實當時我哋只係正常咁坐，並無坐得特別離行離辣。心諗，係你地方淺窄，唔好意思，唔該借一借，小心熱水呢啲基本茶仔禮貌都冇，都算，當係茶仔實有啲冇禮貌嘅人。我哋因為有些事情要商討，所以一路食一路傾，食咗一粒鐘，其中一個同行朋友叫多一杯咖啡，個員工突然粗暴地叫我地都係埋單走人！我果一刻真係O咗咀，起身望下，我以為成村人排緊隊入嚟食，點知係冇人排隊而且有幾張枱係吉枱！可能我真係識見少，唔知茶仔都有限時交枱，而且係極無禮貌，唔好意思都冇句。若然係有人排緊隊，我都算，又吾係。你間鋪仔若然有交枱時間，好心你寫番張大字報貼出嚟吖。服務態度這樣惡劣，食物好食到識飛都冇用（更何況不是）black list 永不再幫襯！🤬🤬🤬