小南國 (已結業)

上兩個禮拜朋友啱啱响外國返嚟，想食上海嘢，咪提意去小南國囉！(雖然對門口面青口唇白嗰位姐姐冇咩好感，但係貪佢近我Office，同埋都好耐冇食佢D生煎包！)點知一直都訂唔到位，一係就要晏到死。朋友就嚟走喇，都未食到。前幾日，一早返到公司，諗住打電話去訂位啦，點知打咗好耐都冇人聽，都算啦！可能人哋姐姐真係好繁忙呢！搞到電話都聽唔切呢！橫掂今日晏晝要出去，不如索性上去訂埋位啦！點知上到去就俾我見到奇景：門口嗰兩個姐姐居然Pa咗响張檯仔度瞓覺，店裡面又熄晒燈，「黑Mun Mun」，我發覺好似冇人幫到我咁，算啦就掉頭走，睇嚟今次又要讓友人失望！可能我嚟嘅Timing唔啱啦！我諗就算係伙計食飯或者休息，都冇可能冇人理我掛！佢哋嘅管理層都好有問題，呢一間公司依家俾我嘅Image係：差！差！差！怪唔之得Sogo隔離果間執咗啦！希望佢哋有所改善啦！唔好步Sogo隔離果間嘅後塵，如果唔係我就以後冇生煎包食喇！P.S.同友人最後去了金滿庭，雖然要等位，但唔係等 好耐。