老二花廳 (已結業)

同男朋友嘅拍拖紀念日揀咗嚟哩間係旺角嘅老二花廳，主要因為比佢舊香港元素吸引咗❤️位置就係麥花臣球場隔離，不過門口位置比較隱秘，要細心留意，如果唔係就好易行過咗🤓行上兩層樓梯，係門口已經有一個好得意嘅Q版李小龍壁畫😍即係同佢影張相打個卡先😬入到餐廳果然冇令我哋失望，無論環境什至一件小物件都滲透舊香港嘅味道，每個角落都好打卡able，牆上面仲有好多好得意嘅壁畫❤️成間餐廳都好吸引好靚食物選擇其實唔多，我地揀咗黑松露薯條🍟 蛋黄卡邦尼意粉同埋老二烤春雞（半隻）配薯角😌嘢飲我揀咗蝶豆花青檸梳打，男朋友就揀咗黑芝麻豆腐拿鐵 😌💫 黑松露薯條岩岩炸起嘅著條好香口，熱辣辣咁好好食🍟薯條表面林淋咗少少黑松露醬，再點埋配餐嘅黑松露Mayo，就令黑松露味更加突出，作為一個黑松露迷表示非常滿足❤️💫 蛋黄卡邦尼意粉煙肉煎得好香口，闊身嘅麵條非常掛汁，好creamy，加埋蛋黃嘅香味，口感豐富💫 老二烤春雞（半隻）配薯角非常推薦嘅一款食物，雞肉嫩滑多汁，雞皮表面帶有蜜糖嘅味道，甜甜地好吸引❤️薯角亦都炸得好脆口❤️💫 蝶豆花青檸梳打顏色上真係好打卡able😍飲落係正常青檸梳打😂💫 黑芝麻豆腐拿鐵黑芝麻味幾香，豆腐味都幾突