Mamaday Studio (已結業)

一直都好鍾意Mamaday嘅設計風格，最近得知佢哋喺佐敦呢度開咗一間studio，而且仲係有唐樓改建而成，就即刻約埋朋友過嚟坐吓、嘆吓咖啡、欣賞下佢哋用心嘅設計。淨係個門口就已經非常eye catching 遠遠就睇到呢間鶴立雞群嘅Cafe。門口保留左唐樓原有嘅獨特設計，而且喺上面寫咗好友餐廳特色嘅對聯，店內嘅擺設同尖沙咀和銅鑼灣嘅分店一樣，都係行新潮、搞笑、抵死嘅路線，令人哭笑不得，好鍾意呢種幽默感。呢度特別嘅係樓上兩層都有幾古色古香，有相當新潮嘅座位，行過七彩光館嘅樓梯，好似行過時光隧道一樣，上到2樓有露台位，擺咗好多古老嘅家具，包括洗手盆、藤椅，好似返咗童年時代嘅屋企咁。食物方面呢度主打咖啡，今日咖啡師就位我哋特製左首條咖啡，呢個咖啡嘅味道入口大蒜，但之後慢慢口中會有甜味，非常特別。令一個係越南咖啡，煉奶和香濃嘅咖啡混埋，真係又香又甜又好味。食物方面今日試咗佢嘅Brownie蛋糕，以及日本有子芝士蛋糕，兩個都非常好味，特別係日本柚子蛋糕，幾清香又鬆化，口感一流。