影片
更多
2024-05-12
1944 瀏覽
我在Openrice訂座4位6pm已收到確認email.，去到餐廳門口帶位個阿叔話搵唔到我地訂座記錄，我話喺Openrice訂位已經confirm咗，佢答我Openrice訂咗位唔代表有位要餐廳打電話去先confirm有位喎，首先我唔係第一次喺Openrice訂位，其次我亦無收過佢地餐廳電話confirm booking. 咁算因為我有一個小朋友同一個BB，我問佢可否安排塌塌米房因為方便睇住小朋友（Openrice訂座時已要求要塌塌米房），佢同我講今日比較full安排唔到，而家只有一張枱仲要8點前交枱，本身諗住走人搵過第二間不過湊住兩個小朋友廢事再搵餐廳就照入去食啦，入到去餐廳一個客都無咁算啦阿叔話好full可能一陣會好多客呢！我食到7點幾走啦點知都係坐咗一半枱都無，走時見到啲榻榻米房仲有好多係空既！首先，我喺Openrice訂座收到confirm email， 阿叔同我講話唔代表confirm有位，要餐廳打電話先係confirm，咁佢地餐廳又無打電話俾我confirm位，係唔係佢地既錯誤呢，我每次openrice訂咗位後都未試過餐廳咁樣同我講，但佢既態度感覺上好似係我地問題咁！其次，
首先，我喺Openrice訂座收到confirm email， 阿叔同我講話唔代表confirm有位，要餐廳打電話先係confirm，咁佢地餐廳又無打電話俾我confirm位，係唔係佢地既錯誤呢，我每次openrice訂咗位後都未試過餐廳咁樣同我講，但佢既態度感覺上好似係我地問題咁！
其次，我地要求榻榻米房既時候又同我講無位，table位得番一張，但事實係我食完臨走既時候不論table或塌塌米位都仲有好多張枱，咁樣會令我地好hardfeeling！
總結，呢間餐廳我食過好多次飯，第一次遇到啲咁既經歷，唔會再去喇，今時今日咁既service唔怪得咁多人北上消費，even留港消費真係食到一肚氣，BTW，餐廳裡面既staff係nice既，尤其有個staff姐姐我之前大肚去食飯時仲問我要唔要飲暖水instead of茶，同埋叫餐時洗唔洗整熟啲蛋instead of 半生熟蛋。
張貼