隨然有機玄米菜食料理 (已結業)

我一直係OpenRice都只係睇食評，從未寫過食評。今次既晚餐令我好失望，本身喜愛食素，會周圍試食唔同既餐廳，但呢間係我食過咁多間齋最難食既一間。本身約朋友去另一間餐廳食齋，但無位所以選擇左呢間餐廳。首先點餐後足足等左40分鐘先上set餐，朋友既茶漬飯就等左差唔多一小時，我地諗左好耐點解要等咁耐，係未有咩特別呢。點知上菜後完全呆左，茶漬飯淡而無味，附送既茄子得兩片仔，而我既set餐就hea到接受唔到，沙律配熱情果已經係最好味了，完全無特別。