澳門台山水佬榮火鍋專家 (已結業)

朋友生日，本身諗住食韓國燒烤但係喉嚨有啲痛所以去咗打邊爐，聽朋友介紹水佬榮航空母艦海鮮火鍋，諗住可以食飯打卡影相夠唒靚，所以就去咗呢間度慶祝生日。一上到去有卡位，坐落都舒服不過冷氣有啲熱。有八款指定海鮮，另外在有五款配料。盤海鮮一上到黎我哋嘩嘩聲，因為實在好大，好多海鮮，但望落去唔太新鮮， 因為全部都唔郁，死左店員好有耐性咁介紹邊度開始食起，但始終講得太快，我哋唔係好記得我哋先食咗花甲同帶子，Size略為細咗啲，另外鮑魚都係好細隻，海蝦食落去*梅梅地*,其他海鮮都係唔新鮮。全晚最好食竟然係個公仔麵同埋芋頭真係好失望連埋嘢飲每人埋單$33x..呢個價錢我相信出便可以食得更好。