村爺爺車仔麵 (已搬遷) 新店位置

今日下午約左人未夠鐘，打算食個午/下午茶餐，經過砵蘭街果邊見到間叫村爺爺的車仔面。雖然已經兩點幾，但入面都唔少人，覺得無伏就決定試下呀姐叫我起外面揀好食咩就入去坐。好多款式，最後詢問姐姐意見，推介我食真係有龍蝦的龍蝦湯伊面，再加炸墨魚手指同南乳炸雞翼。入去坐低見到唔少相同雜誌介紹，難怪兩點幾都甘多人。小食先上，墨魚手指同南乳雞翼都係新鮮炸起，配上沙嗲汁香脆好食。接着就上重頭戲，原隻龍蝦+龍蝦湯伊面。龍蝦好大隻好多肉仲提供鉗比我剝殻，濕紙巾抹手龍蝦好多膏，d肉都夠實。個湯好好飲，每一啖都有龍蝦味，記得襯熱飲！一頓豐盛的午餐