影片
更多
2024-05-20
90 瀏覽
拿破崙千層焦糖酥皮撻 每日得兩個出爐時間10:30 同16:30 。今日平日見11點零接近佢出爐時間，就行過去碰碰運氣。去到都有成10個人排緊隊，見仲有大把撻就即刻埋去排埋一份。唔使幾分鐘就已經輪到我，排隊連落單俾錢成個過程都係三四分鐘內既事。買左2個撻+1 個包，店員都主動提供埋紙袋同單獨入好。拿破崙千層焦糖酥皮撻 ($18)size 比普遍葡撻或者係蛋撻都要大，見新鮮仲熱就即刻即場食一個。酥皮唔算太多層，薄薄鬆化，但食落有苦味，唔知係唔係焗過龍。蛋漿嫩滑，底層有流質焦糖醬（好甜拖肥味），夾住蛋漿同酥皮可以中和返個甜味，都可接受。另一個留返當晚翻焗再試下170度加熱4分鐘都未可以焗返焦糖做流質，反而令個撻皮苦味更突出。炭燒咖啡菠蘿包 ($16)放室溫，第二朝放焗爐175度4分鐘焗熱。個皮唔係平時茶餐廳個d 菠蘿包皮咁厚，比較薄身，亦唔會一咬就碎到周圍都係。似墨西哥包皮既厚度，但脆身。咖啡味主要來自個皮，包身就唔太食得出有咖啡味。中間切半，發覺個包有小小中空，但個包本身都軟熟。唔知係個撻皮個苦味其實叫焦香，只係我唔識食，定係我唔好彩，真係買到焗過龍既撻。結論係覺得熱潮下買新鮮既話可以一
買左2個撻+1 個包，店員都主動提供埋紙袋同單獨入好。
拿破崙焦糖千層酥皮撻
$18
4 瀏覽
0 讚好
0 留言
拿破崙千層焦糖酥皮撻 ($18)
size 比普遍葡撻或者係蛋撻都要大，見新鮮仲熱就即刻即場食一個。
酥皮唔算太多層，薄薄鬆化，但食落有苦味，唔知係唔係焗過龍。蛋漿嫩滑，底層有流質焦糖醬（好甜拖肥味），夾住蛋漿同酥皮可以中和返個甜味，都可接受。
拿破崙千層焦糖蛋撻
$18
5 瀏覽
0 讚好
0 留言
另一個留返當晚翻焗再試下
170度加熱4分鐘都未可以焗返焦糖做流質，反而令個撻皮苦味更突出。
炭燒咖啡菠蘿包
$16
3 瀏覽
0 讚好
0 留言
炭燒咖啡菠蘿包 ($16)
放室溫，第二朝放焗爐175度4分鐘焗熱。
個皮唔係平時茶餐廳個d 菠蘿包皮咁厚，比較薄身，亦唔會一咬就碎到周圍都係。似墨西哥包皮既厚度，但脆身。
咖啡味主要來自個皮，包身就唔太食得出有咖啡味。中間切半，發覺個包有小小中空，但個包本身都軟熟。
唔知係個撻皮個苦味其實叫焦香，只係我唔識食，定係我唔好彩，真係買到焗過龍既撻。結論係覺得熱潮下買新鮮既話可以一試，但如果要大排長龍或者突登去買，就不必了。
好多撻一早已入哂盒，預左俾人大手買入😂
張貼
