香湘辣妹 (已結業)

好耐無食餐辣野實在好口痕，今晚終於約到個辣妹朋友一齊黎食餐飽。可能係平日既關係，餐廳唔係好多人。呢度環境似大陸，但都幾整齊既。Order左無耐就黎我地既第一道菜，好久不見酸菜魚。雖然面上面鋪滿辣椒，但其實唔係好辣。湯底有濃濃既酸菜味，魚夠滑但有少少魚骨。份量都算大，呢個價錢但都幾多魚。之後係煙花易冷黃燜魚三寶，原來係用火鍋爐上既。都幾吸引，雖然唔知係魚既咩部位但口感幾特別。湯底比酸菜魚辣，但呢種會係香辣。最後我地仲叫左最後的戰役魚頭面，配番酸菜魚湯底或者魚三寶既湯底都好正！