南駅 (已結業)

本身想食隔離嗰間串燒，就因為要等一張枱我男朋友就選擇過隔離呢間唔使等位呢間之前記得電視有介紹過 ，介紹佢嘅海南雞飯同埋籠仔蒸糯米飯 ，入到去見差唔多每一台人都叫海南雞飯，咁就順理成章啦！另外叫多兩個小食，一樣係燒雞泡魚干，而另一樣係炸雞🍗，兩樣都係bad choice 😭海南雞飯用專用玻璃碟盛載住，有個位放左壺湯，飲湯好似飲茶咁 ，別具風味，雖然湯都係一般般啦，裏面有一件細細的雪耳，將啲熱湯倒落去變得軟化！雞其實都幾嫰滑（以我男朋友食雞咁多年嘅經驗），配上三款醬汁 ，粒粒分明嘅油飯。好可惜另外兩款小食就⋯其實一日都係我衰，我誤會左以為男朋友想食炸雞🍗，點知原來佢係指住上面幅圖嘅蝦多士，炸雞真係超熱氣呀！總共有六件咁多，我哋兩個人夾埋都係食咗三件咋，雖然佢個脆漿入面嘅雞脾肉仍然好嫰滑好juicy，不過脆漿太厚啦！另外又係叫咗一份燒雞泡魚干，其實之前喺另外一間日本野都食過一份，果次嗰份佢哋燒到啲魚干好軟身㗎，甜甜的好好食仲嫌佢份量太少。而今次呢份雖然份量係之前嘅兩倍，但係硬到咬都咬唔到。結果兩份小食要打包走。