bong (已結業)

五月份慶祝周年紀念，諗咗好耐，最後決定去呢度試吓牛扒。我哋叫咗一份牛扒同一份pasta。前菜嘅湯同沙律都一般，唔算好impressive。dry aged牛扒180g 份量唔多，烹調時間略嫌太長，不似預期。meat ball pasta 味道可以，但真係未去到酒店級水準。嘢飲方面係最唔滿意嘅！！我哋嗌咗latte，但係嚟到之後咖啡上面嘅泡超級厚，試飲咗一兩啖，真係厚到頂唔順，我哋就request換一杯，但點知都係一樣……(忍唔住影咗張相)，真係好無奈，普通Cafe都做到嘅latte，但係一間酒店西餐廳，竟然都冇杯正常嘅…最後甜品都好一般，tiramisu 冇乜酒香味。試過一次，其實真係唔使再黎😓😓相信唔少Cafe都好味過佢。