Gontran Cherrier (Restaurant) (已結業)

牛角包就食得多，佢格離間餐廳就比較少食。之前食過lunch覺得貴，今日經過見到$158+10% 有4道菜，一於試試抵食6點左右到，無乜人，坐位舒適首先上既係洋蔥湯，超級熱！雖然同張圖有少少出入，不過飲落口係好味既，湯頭好甜，而上面塊包就滿滿芝士，一咸一甜好有層次。餐飲無乜特別，飲落都算香既我地叫左兩個main, 呢個係penne with pork sausage. 佢入面有三款唔到既腸仔，當中辣肉腸味道最特出，配上creamy既醬汁，雖然有少少漏，但總體都係好食既。加左十蚊升級左做linguine with mixed seafood, 意粉既海鮮都唔少，配上翠肉瓜，好fresh, 值得一提係佢既龍蝦汁，非常濃厚，推薦！最後cake of the day係brownie, 隔離賣緊$30一件，呢到應該有半件。brownie 厚實濕潤，入面有好多nuts, 仲有我至愛既hazelnut, 朱古力味都好濃，最緊要佢食完唔會漿坐喉嚨。