影片
更多
2014-04-18
718 瀏覽
尋日(17-4-2014 Thur)放工後,同男友去九展睇Openrice送o既田蕊妮演唱會,由於擔心趕唔切,於是早到o既我先o係呢o度買啲包,但原來都有點心,我都想買,不過…唔知佢o地用咩裝有汁o既點心?膠袋?我望吓先,啊,有盒o既,OK,咁我決定o左買咩喇,但又唔知係咪肚餓同唔知點心幾大個,於是買o左四樣o野,有分別$5.50一個o既奶皇包,香芋包,$14.00o既鵪鶉蛋燒賣,$22.00足料糥米雞.買完等叫No.,好快叫到我,我拎o左等男友,但亞姐叫返我,問我係咪有買包?我答係,佢竟然漏o左 .好彩我咁o岩冇走到,否則…我係咁等男友,袋點心好熱,其實我想食先,但裝鵪鶉蛋燒賣個盒放o係最底,呢o度又冇枱俾我整吓,所以唯有等佢.佢o黎到喇,我o地走去德福花園平台搵地方坐住食,原來…包同糥米雞都好大個,男友有個大飯盒,就將個糥米雞放入去,我就先食鵪鶉蛋燒賣,鵪鶉蛋燒賣有三個,鵪鶉蛋好細粒,燒賣裡面有蝦仁,呢個係驚喜,味道係屬於正常冇問題.然後我o地力消滅個足料糥米雞,個足料糥米雞,我o地食o黎食去都只係糥米同深色o既豬肉碎,咁樣叫足料?雞呢?雞肉都冇件.食到中間,至見到一粒鵪鶉蛋,一
買完等叫No.,好快叫到我,我拎o左等男友,但亞姐叫返我,問我係咪有買包?我答係,佢竟然漏o左 .好彩我咁o岩冇走到,否則…
我係咁等男友,袋點心好熱,其實我想食先,但裝鵪鶉蛋燒賣個盒放o係最底,呢o度又冇枱俾我整吓,所以唯有等佢.
佢o黎到喇,我o地走去德福花園平台搵地方坐住食,原來…包同糥米雞都好大個,
男友有個大飯盒,就將個糥米雞放入去,
我就先食鵪鶉蛋燒賣,鵪鶉蛋燒賣有三個,
鵪鶉蛋好細粒,燒賣裡面有蝦仁,呢個係驚喜,味道係屬於正常冇問題.然後我o地力消滅個足料糥米雞,個足料糥米雞,我o地食o黎食去都只係糥米同深色o既豬肉碎,咁樣叫足料?雞呢?雞肉都冇件.食到中間,至見到一粒鵪鶉蛋,一舊全瘦叉燒同一舊雞肉,雞肉比叉燒更細.件瘦叉燒o鞋,糥米飯濕潤粘口,正常.
最後到包,男友話已經夠包,食唔到住,
我就先食半個淺紫色o既香芋包,包身鬆軟,內裡o既芋蓉仍帶粒粒,味道唔係好出.食到咁多我o地就撘車去九展冇食到.
到今朝起身後,我o地就翻熱個1.5個包做早餐.
男友食埋o個半個香芋包,我都食半個奶皇包,掰開睇睇先,
奶黃OK多,食落,包身仍鬆軟,奶黃都叫做滑,不過唔多夠味,太淡.服務:
除o左上面講漏俾包我之外,基本上都唔差.
環境:
熱,因為佢o地由入面直接將o野食拎出,俾錢時都覺得熱.
除此之外,建議加枱俾客人企o係o度食.
抵食係2.75分
張貼
