Holly Brown (已結業)

今個星期五啱啱放寬返晚市堂食去到夜晚九點，男朋友就book咗中環Holly Brown食Happy Friday晚餐 😊聽講今年啱啱裝修完，餐廳前面會見到有雪糕甜品同咖啡，而後面就有好多位俾人食西餐。今晚唔算多人，雖然冇咗平日dinner set, 但係主食前菜嗰啲就半價，每人要嗌一杯正價嘢飲，整體都算好抵食！ 我哋嗌左兩個前菜 （白酒煮青口, Nachos),一個主食 （西班牙慢煮乳豬），再嗌左兩杯嘢飲。比較出名嘅西班牙慢煮乳豬的確幾有驚喜！唔單止大大份，仲整得好好食。乳豬外脆內軟，個皮脆卜卜 ，而豬肉鮮嫩而且好有肉汁，配搭得啱啱好 😋 推介值得一試。另外兩杯正價嘢飲亦都物有所值，其中一杯係藍色雲呢拿milkshake好似招牌藍色雲呢拿雪糕咁，都幾得意 😬另一杯就叫咗香蕉拖肥 milkshake，出奇地香蕉味同拖肥味都好濃，男朋友話覺得好好飲，我試過亦的確不錯。食完正餐，由於女仔甜品有另一個胃，我哋都嗌左一杯雪糕，揀咗青蘋果味同埋莓味，兩款都係比較清新嘅水果味，尤其青蘋果味比較特別 🍨呢餐圓滿結束大滿足!!! 😬☺️