影片
更多
2024-09-26
656 瀏覽
係附近睇完中醫，收到食力組組員召喚飯聚，話近我嘅有呢間食潮州菜嘅飯店。地方夠大，坐得舒服，仲有電視送飯。有碟潮州咸菜作為餐前小食，一路食一路睇下食咩先。平時湯水少，有原盅燉湯當然唔可以錯過。呢客原盅青芥欖豬展燉螺頭湯 ($88)，有清熱解毒，去除體內熱氣之功效。湯水唔油膩，夠晒熱，味道清甜。仲足湯料，有隻鷄腳仔同螺頭可以食埋。潮菜除咗大熱之選嘅滷水系列，好多時都會叫客韮菜豬紅 ($62)。呢度嘅醬汁煮得頗杰身，開初以為會好濃味，但入口又唔係喎。豬紅口感帶點煙韌，韮菜放底，若果多返D會好D。對於普寧豆醬嘅認識，莫過於食凍大眼鷄時點嘅一個醬。睇餐牌發現有呢客普寧豆醬焗鷄 (半隻/$198)。以瓦煲煮除咗更原汁原味外，仲可保持熱度。每件鷄都沾上咸香醬汁，鷄肉都幾滑，皮下無多餘脂肪，用黎送白飯都幾夾。潮式處理魚都有一手，好似呢客半煎炸牙帶魚 ($138)，先煎香牙帶魚，令魚皮變香脆再加埋蘿蔔條，芹菜同蔥一齊汁煮，一D腥味都無，而且肉多骨少。打開餐牌嘅最後一頁係甜品類，位上嘅有馬蹄綠豆爽 ($36)及銀杏芋泥 ($36)。兩款甜度適中，芋泥口感超綿滑，食下食下好快就食完。呢度仲有茶飲，下次可以試
地方夠大，坐得舒服，仲有電視送飯。
有碟潮州咸菜作為餐前小食，一路食一路睇下食咩先。
平時湯水少，有原盅燉湯當然唔可以錯過。呢客原盅青芥欖豬展燉螺頭湯 ($88)，有清熱解毒，去除體內熱氣之功效。
湯水唔油膩，夠晒熱，味道清甜。
仲足湯料，有隻鷄腳仔同螺頭可以食埋。
潮菜除咗大熱之選嘅滷水系列，好多時都會叫客韮菜豬紅 ($62)。
呢度嘅醬汁煮得頗杰身，開初以為會好濃味，但入口又唔係喎。豬紅口感帶點煙韌，韮菜放底，若果多返D會好D。
對於普寧豆醬嘅認識，莫過於食凍大眼鷄時點嘅一個醬。睇餐牌發現有呢客普寧豆醬焗鷄 (半隻/$198)。
以瓦煲煮除咗更原汁原味外，仲可保持熱度。每件鷄都沾上咸香醬汁，鷄肉都幾滑，皮下無多餘脂肪，用黎送白飯都幾夾。
潮式處理魚都有一手，好似呢客半煎炸牙帶魚 ($138)，先煎香牙帶魚，令魚皮變香脆再加埋蘿蔔條，芹菜同蔥一齊汁煮，一D腥味都無，而且肉多骨少。
打開餐牌嘅最後一頁係甜品類，位上嘅有馬蹄綠豆爽 ($36)及銀杏芋泥 ($36)。兩款甜度適中，芋泥口感超綿滑，食下食下好快就食完。
呢度仲有茶飲，下次可以試下。
張貼
