一葉台灣料理

營業中

休息中

夜晚係附近收工之後，諗住搵間餐廳食完先返屋企，見呢間野幾多好評，價錢又唔貴，就黎試下～主食嗌左一個台式少米粉（唔記得影相🥲），一黎個樣完全就係廣東炒米粉😂但味道其實唔錯，炒得好香好惹味👍🏻只係略嫌油左少少…另外菜就嗌左台式菜脯炒三寶，即係茄子、苦瓜同四季豆，呢碟都係一樣，唔台式，味道正常，但就比上一碟更加油膩😖另外仲有一個台式炸雞排，入面雞肉幾嫩滑，皮亦炸得啱啱好酥脆，仲有少少奶粉味，味道幾好😋但實在成餐飯都太油，最後都係食唔曬🥲所以食完諗住嗌個綜合小丸子解一解油膩，入面有芋圓同地瓜圓，但啲糖水太甜，亦無咩芋頭味，仲要好有咬口，咬到最後有啲攰😅，可以唔使特別嗌…其實呢間既味道總括黎講正常，只係油膩左少少，價錢都算合理，附近打工仔lunch既時候都可以食下。