蒸廬 (Plaza88)

營業中

休息中

開左分店仲要選址荃灣真係好開心。比石門嗰間起碼大1倍，座位多左無甘難搵位。石門蒸廬嘅燒賣蝦賣都大大粒勁足料好味，但荃灣呢間一上碟size就已經唔對路，應該係唔同貨源，小失望。不過味道依然不錯。試咗個茶樹菇花湯，唔會過鹹，味道清甜，合格。記得石門嘅雙菇雞粒飯係最好食，但呢度無左，結果叫左個普通嘅飯😂仲有個好奇怪嘅綠茶紫薯包，聽個名幾特別想試下新鮮野，但真係唔夾，太甜😂😂非常不建議點。除非你好好好食得甜。