香港海賊王餐廳 (已結業)

真的，黎之前淨係諗住陪朋友崇拜one piece同埋影吓相，點知食落發現嘢食出奇地唔錯，侍應服務態度又OK。一入到去已經比one piece眾多角色包圍，餐廳中間有個大screen，會不時播放一套短片，不過好短而無內容的，不要咁大期望。食物方物，先點一份可樂餅，係炸蟹肉波波。蟹肉都唔少架，炸皮唔算厚，點埋個甜酸醬就無咁油膩。不過份量就較少，多一件半件就很好了。之後係貝殼粉，真係好大好大粒。雖然係咁，佢嘅汁醬都好濃郁豐富，好香奶油味，就係貝殼粉好大粒都唔會覺得太寡。再黎係個漢堡，呢個就爭d啦。麵包有點乾，漢堡扒唔juicy，而醬汁都唔夠，而薯寶得寥寥數粒。最後係甜品時間，呢個芭菲真係好豐富，有荔枝啫喱、牛奶布甸、雪糕、白朱古力、雪米糍同oreo，層次豐富，令人驚喜。