新翠華茶餐廳 (已搬遷) 新店位置

睇返之前的食評，見到好多人覺得唔係咁好食......我又幾鐘意食喎。今晚同媽媽黎食晚飯，媽媽一向喜歡食呢間的煲仔飯，今晚都係佢提議的。我地一到步，就見到有幾個人o係門口等位，店入面呢，"質"滿哂人。上年冬天黎食既時候，仲見到店外面有好多爐煲緊煲仔飯，今次去就唔見哂lu，可能搬返入去廚房入面做卦......我同媽咪都係好無耐性既人，於是我地見到對面街邊開左幾張摺檯，就坐過去喇。媽媽叫左個腊腸田雞飯，我就叫左鮑具滑雞飯。等左十至十五分鐘度，熱烘烘的煲仔飯上檯了。一打開蓋，好多煙呀，而且好香呢。媽媽喜歡唔加豉油，我就喜歡加好多豉油，佢地放左支豉油o係檯面，"豐儉由人"呀，哈哈~有飯焦，這是媽媽最喜歡的。我就覺得雞幾滑，而且豉油加o係軟硬適中既飯度好好食呀!同埋呢......其實呢......我覺得坐o係街邊摺檯食都幾好 feel 架，同媽媽浪漫一下嘛，哈哈！今個冬天會再來的。